Ti je shumë i rëndësishëm

Njerëzimi është pak a shumë si një pazëll me copa.

Ne të gjithë së bashku, jemi një pikturë e bukur, e përbërë nga 7 miliard + copa të mahnitshme dhe unike.

Bukuria e njerëzimit, përbëhet nga secila prej atyre pjesëve unike. Kur pjesët e pazëllit bashkohen…

Por, kur pjesët e pazëllit nuk bashkohen mirë, si rezultat, pasqyron një imazh të deformuar.

Një pazëll, është po aq i bukur sa shuma totale e pjesëve të saj.

A keni parë fëmijët të irritohen me procesin e kompletimit të pazëllit dhe duke e detyruar copën e gabuar në vendin e gabuar, që për rrjedhojë dëmton skajet dhe bukurinë e të gjithë pazëllit?

Kjo ndodh me njerëzimin, në qoftë se individët nuk janë vetja e tyre e vërtetë.

Shprehja e potencialit të plotë dhe bukurisë së njerëzimit varet nga mënyra se si pjesët e të gjithë pazëllit, bashkohen.

Nëse copat mungojnë ose deformohen, kjo ndikon në të gjithë pamjen. Pra, të dy, individi dhe kolektivi vuajnë.

Si mund të arrijmë atë nivel ndërgjegjësimi, ku të gjithë e pranojnë dhe përjetojnë veten e tyre të vërtetë plotësisht?

Ne të gjithë e dimë, se dashuria jonë është e rëndësishme dhe se kjo dashuri, mund të ndihmojë në shërimin e botës.

Sigurisht, ne kemi shumë punë për të bërë këtu në planet. Njerëzit duhet të ushqehen, mbrohen, edukohen, t'u dhurohet dashuri dhe të strehohen.

Por ne do të jemi shumë më efektivë në bërjen e gjithë kësaj dhe në krijimin e një bote të re, nëse shprehim plotësisht pjesën tonë unike të pazëllit dhe që të jemi në gjendje t'a shprehim plotësisht, ne duhet t'a duam veten në rradhë të parë.

Manuali Njerëzor, na tregon se dashuria për veten, është energjia e Qendrës së Identitetit / Zemrës (një nga 9 qendrat tona energjetike) në dizajnin tonë dhe dashuria e vërtetë për veten dhe përmbushja e potencialit tonë autentik është aftësia për të pasur:

✨ dashuri për njerëzimin,

✨ aftësinë për të përdorur burimet / resurset me qëllim për të ndihmuar më tej rritjen dhe zhvillimin e botës,

✨ për të krijuar shëndet dhe mirëqenie personale në çdo nivel,

✨ një lidhje më të thellë me Shpirtin (esencën tonë),

✨ aftësinë për të përdorur mësimet nga e kaluara për të ecur përpara,

✨ një dëshirë të fuqishme për të dhënë një kontribut pozitiv në botë dhe,

✨ dëshirën për të krijuar një botë, ku të gjithë kanë një shans të barabartë dhe zë të fuqishëm mbi kontrollin e fatit të tyre.

Mënyra më e mirë për të DASHUR veten është përmbushja e potencialit tuaj personal dhe duke qenë shprehja më e mirë e pjesës suaj unike të pazëllit dhe duke lejuar që Jeta t'ju çojë në drejtim të rritjes dhe dashurisë.

Ju, si shprehja e mrekullueshme e përsosur e hyjnores, arsyeja që ju jeni krijuar që të jeni, është dhurata më e madhe që mund t'i jepni botës.

Ka shumë teknika dhe praktika të jashtëzakonshme në planet, që ju ndihmojnë të kultivoni dashurinë për veten.

Por, të lutem, duaje veten. Ne kemi nevoje per ty.

Në udhëtimin tim për të zbuluar teknikat dhe praktikat më të mira për ndërgjegjësimin dhe zbulimin e vetes, gjeta mjaft persona mbresëlënës që ndihmonin njerëzit të lundronin në udhëtimin e tyre personal dhe në qëllimin e jetës.

Manuali Njerëzor ishte ai që mori mendjen dhe zemrën time, me urtësinë dhe saktësinë e tij në zhvillimin e potencialit njerëzor.

Për mua dhe Keidin, të jetuarit e Dizajneve tona Njerëzore, na ka hapur kaq shumë mundësi dhe realitete, dhe unë ftoj dhe inkurajoj të gjithë prej jush që të përqafoni dizajnet tuaja.

Nëse dëshironi të njihni thellësinë tuaj, bukurinë dhe mësimet që do të mësoni në këtë jetë, në mënyrë që të jetoni plotësisht qëllimin e shpirtin dhe jetës tuaj , do të isha e lumtur t'ju ndihmoja.

Jeto dhe duaje veten !

Bota ka nevojë për atë copëz unike të pazëllit të bukur, që mund t'a ofrosh vetëm ti.

Me dashuri,

Diana ❤️